देखा झ्याम्म परी हाँगा-लता-कुञ्ज बराबरी
अनि पो आउँछे गीत गाउँदै कोइली चरी ।।
देखा फक्रेर रङ्गीन वासन्ती पुष्प-मञ्जरी
अनि पो आउँछे नाच्दै फुर्किँदै प्रेमकी चरी ।।
देखा पाकेर मीठो भै फल जामुनझैँ गरी
अनि पो आउँछे उड्दै प्यारी सौन्दर्यकी चरी ।।
देखा सम्मान श्रद्धाले प्रेमले निहुरी परी
अनि पो आउँछे दङ्ग परी आनन्दकी परी ।।
देखा औदार्यको भाव नमाग् केही कसै गरी
अनि पो आउँछे
जान्ने बस्छे आन्दले चरी ।।
नरेन्द्र पराशर
छन्द: अनुष्टुप्
