प्रेमकविता

शरदा ज्योत्स्नया कान्ता वसन्तेन सुशोभिता

चञ्चला चञ्चला चैव स्मिता भीता समाहिता ।

त्वमेका मृदुवाक्येन कोकिलानाञ्च कोकिला

प्रकृत्यैव नता धीरा स्वभावेन शकुन्तला ।

मृदुला कोमलारूपा वासन्ती कुसुमाधरा

मानिनी मम मैत्रेयी प्रज्ञानेन मनोहरा ।

मन्दाक्रान्तोस्म्यहं प्रेम्णे प्रेमाक्रान्तञ्च ते मन :

मनसा चात्मना नम्रा त्वमेका मम नायिका ।

:नरेन्द्र पराशर

कवितायां सुधा नास्ति

नास्ति छन्द : कला नास्ति नास्ति लालित्यमेव च

कवितायां सुधा नास्ति पश्यातङ्कं भयावहम् ।

अलङ्कारोपमा नास्ति नास्ति काव्यस्य चेतना

कवितायामुषा नास्ति पश्य ध्वान्तं भयावहम् ।

भाषायां नास्ति माधुर्यं रसानि न च कानिचित्

कवितायां प्रभा नास्ति पश्य भारं भयावहम् ।

सौन्दर्यँ नास्ति शब्देषु भाषाया : गरिमा कुत :

कवितायामृतं नास्ति ह्यभवत् किम् भयावहम् ।

:नरेन्द्र पराशर