नास्ति छन्दः कला नास्ति नास्ति लालित्यमेव च
कवितायां सुधा नास्ति पश्यातङ्कं भयावहम् ।
उपमा नास्त्यलङ्कारो नास्ति काव्यस्य चेतना
कवितायामुषा नास्ति पश्य ध्वान्तं भयावहम् ।
भाषायां नास्ति माधुर्यं रसो नास्ति च कश्चन
कवितायां प्रभा नास्ति पश्य भारं भयावहम् ।
सौन्दर्यं नास्ति शब्देषु भाषायाः गरिमा कुतः
न काव्येष्वमृतं चास्ति दशां पश्य भयावहाम् ।
:नरेन्द्र पराशर
No comments:
Post a Comment