बिर्सिन्छु भन्छु सम्झिन्छु
फेरि सम्झिन्छु झन् झनै
फेरि सम्झिन्छु झन् झनै
आँखा चिम्लिन्छु सम्झिन्छु
उडेका पुतली झनै !
उडेका पुतली झनै !
||१||
झरना कल्कलाएको
वासन्ती पुष्प पुष्पित
वासन्ती पुष्प पुष्पित
बितेका दिन सम्झिन्छु सँगै हुन्थेँ तिमीसित !
||२||
काव्य-केलि कला-कुञ्ज
कल्पना कल्कलाउदा
कल्पना कल्कलाउदा
सम्झिन्छु प्रेमको आभा
जूनतारा उदाउदा !
जूनतारा उदाउदा !
||३||
प्रेम-सम्बोधिको दिव्य
जादू कल्लोल नादमा
जादू कल्लोल नादमा
प्रेम-लालित्य सम्झिन्छु
सौन्दर्यको प्रभातमा !
सौन्दर्यको प्रभातमा !
||४||
दूबोको पातमा शीत
प्रातमा झल्मलाउदा
प्रातमा झल्मलाउदा
प्रेम आनन्द सम्झिन्छु
भावना सल्बलाउदा !
भावना सल्बलाउदा !
||५||
टुक्रा बादल टाढाका
सम्झिन्छ्यौ कि तिमी पनि ?
सम्झिन्छ्यौ कि तिमी पनि ?
म त सम्झिन्छु सम्झिन्छु
दिव्य प्रेम अझै पनि !
दिव्य प्रेम अझै पनि !
||६||
:नरेन्द्र पराशर
(छन्द: अनुस्टुप्)
(छन्द: अनुस्टुप्)
No comments:
Post a Comment