गुरु,
भत्काएका थियौ
आत्मचैतन्यले
मनस् बन्धनका पर्खालहरु
गुरु,
तिम्रा शिष्यहरुले
मुर्च्छनाका
तिनै ईटाहरु बटुलेर
बनाए
एउटा भयङ्कर कारागार
।
२.
गुरु,
तोडेका थियौ
आत्मसाक्षात्कारले
सघन तमिस्राको कुरुप
साम्राज्य
गुरु,
तिम्रा शिष्यहरुले
उही अन्धकार बटुलेर
बनाए
भयङ्कर अँध्यारो छर्ने
एउटा विशाल मैनबत्ती
।
३.
गुरु,
तिमी त गयौ
यहाँ उत्पात मच्चाइरहेका
छन्
तिम्रा शिष्यहरु ।
:नरेन्द्र पराशर
No comments:
Post a Comment