परसरेकी छे कविता

एकरसताको महानिद्रामा

स्वप्नदोषले स्खलित आकाश

तुष्ट देखिन्छ

नजिकै

सिर्जनाका स्वप्नपुष्प लुकाएर

ख्यालठट्ठामै धर्ती अवैध गर्भवती भएकी छे

सौन्दर्यको दुनियाँमा

आनन्दको भाग खोस्न

संसार अगाडि सर्दा

आजै परसरेकी छे कविता .

हिलोमा नजाने कमलको बीउ

फूलले आत्महत्या गरेको साँझ

चिन्ताग्रस्त माहुरी 

अँध्यारो छर्ने मैनबत्ती बाल्न

हतारिएका छन् सूर्यरश्मिहरु

सौन्दर्यको दुनियाँमा

आफैँलाई कुरूप पार्न

संसार अगाडि सर्दा

आजै परसरेकी छे कविता .

:नरेन्द्र पराशर